壹週刊 第376期
一九九七年五月廿三日


娛樂場所

郭耀明逃出生天
文:李美媚


    Hi 我 叫 做 郭 耀 明 , 啊 ! 呢 個 名 你 或 者 會 覺 得 陌 生 , 歸 阿 南 … … 睇 怕 你 會 有 feel , 係 囉 ! 之 唔 係 《 真 情 》 入 面 呂 方 歸 阿 萊 個 細 佬 囉 !

畫出一架Jeep
    未 做 演 員 之 前 , 我 係 一 個 廣 告 平 面 設 計 師 , 做 成 三 、 四 年 , 雖 然 唔 可 以 畫 出 好 大 條 彩 虹 , 但 總 算 「 畫 」 二 手 Jeep 出 啦 。 不 過 男 兒 志 在 四 方 , 做 得 悶 咯 , 咪 轉 行 囉 , 照 照 鏡 , 覺 得 自 己 都 幾 正 , 於 是 決 意 投 身 娛 樂 圈 !

我在亞視的日子
    查 實 , 我 入 娛 樂 圈 都 好 耐 , 未 入 無 記 之 前 , 我 亞 視 浮 浮 沉 沉 , 做 死 飛 仔 、 姑 爺 仔 咁 囉 , 我 梗 係 唔 甘 心 ! 於 是 自 己 落 手 落 腳 出 面 搵 機 會 , 卒 之 俾 我 「 卡 士 」 到 《 我 愛 發 拉 里 》 個 男 主 角 做 , 仲 係 夥 拍 玉 女 周 慧 敏 添 , 點 知 套 戲 先 天 不 足 , 上 幾 日 就 「 焦 」 , 打 回 原 形 兼 夾 被 編 入 兒 童 節 目 做 主 持 , 於 是 唯 有 學 星 爺 打 細 路 洩 忿 囉 !

廣告維生記
    未 過 無 記 , 又 未 同 亞 視 解 約 期 間 , 我 全 靠 拍 廣 告 維 生 。 話 時 話 喎 , 我 真 係 拍 過 好 多 廣 告 ! 好 似 金 莎 啦 、 渣 打 信 用 卡 啦 、 Head and Shoulders 啦 、 大 快 活 啦 … … 無 呢 班 廣 告 商 支 持 , 睇 怕 當 日 我 都 要 食 西 北 風 囉 !

《真情》出頭天
    蒲 亞 視 咁 耐 , 卒 之 得 到 隔 籬 無 記 賞 識 , 番 兜 我 入 佢 大 家 庭 ( 查 實 我 曾 經 考 過 無 記 藝 訓 班 , 但 俾 人 踢 ) , 點 知 都 係 行 行 企 企 ( 呢 ! 《 天 地 男 兒 》 做 羅 家 良 頭 馬 個 呢 ! ) 。 直 至 … … 《 真 情 》 不 死 , 將 我 帶 起 ! 多 謝 阿 媽 、 多 謝 阿 爸 , 更 多 謝 徐 遇 安 ( 《 真 情 》 監 製 ) , 全 靠 歸 阿 南 我 企

    你 認 得 我 未 ?


郭 氏 檔 案
藝 名 : 郭 耀 明
原 名 : 郭 紹 培
出 生 日 期 : 10 月 28 日
年 齡 : 保 密
身 高 : 5 呎 11 吋
三 圍 : 39 、 30 、 37
體 重 : 156 磅 ( 再 肥 七 磅 就 更 fit )
初 戀 時 期 : 廿 一 歲 ( 係 中 學 同 學 ! )
理 想 對 象 : 小 鳥 依 人 、 有 愛 心 、 有 禮 貌 、 孝 順 , 又 不 可 太 靜 , 要 有 主 見 , 外 表 清 純 , 有 內 在 美 … … ( 下 省 餘 下 百 樣 條 件 )