Make your own free website on Tripod.com

日期:一九九八年十二月六日
來源:蘋果日報
題目:郭耀明駕車失事 被揭真實年齡

    郭 耀 明 昨 日 凌 晨 駕 駛 其 四 驅 車 座 駕 , 路 經 觀 塘 繞 道 時 , 因 車 輛 突 然 失 控 而 撞 向 石 壆 翻 側 , 郭 擦 傷 了 左 手 食 指 和 中 指 ; 而 昨 日 郭 耀 明 往 東 九 龍 交 通 調 查 組 協 助 調 查 , 警 方 則 擬 控 告 郭 耀 明 鹵 莽 駕 駛 的 罪 名 。

怕人不信年過三十
    發 生 今 次 意 外 後 , 郭 耀 明 竟 無 意 中 被 人 踢 爆 已 屆 三 十 四 之 齡 的 秘 密 , 起 初 郭 耀 明 就 一 味 「 耍 太 極 」 笑 謂 : 「 我 得 二 十 八 歲 之 嘛 ! 搞 錯 啦 ! ( 係 真 唔 係 呀 ? ) 我 個 樣 生 得 比 較 細 , 講 幾 多 歲 出 驚 人 唔 信 , 以 為 我 講 大 話 咋 ! 總 之 我 都 有 三 十 幾 歲 啦 。 」

    郭 耀 明 又 自 認 近 半 年 十 分 「 黑 仔 」 , 事 事 都 不 如 意 , 今 次 車 禍 稱 得 上 是 不 幸 中 之 大 幸 , 故 他 亦 打 算 去 拜 神 , 郭 耀 明 苦 笑 說 : 「 呢 半 年 我 又 被 人 跟 蹤 , 個 幾 月 前 車 先 同 人 架 車 發 生 小 碰 撞 , 估 唔 到 呢 次 重 犀 利 , 架 車 泵 把 、 沙 擋 同 車 轆 都 甩 , 玻 璃 又 碎 埋 , 睇 怕 都 有 排 整 呀 ! 」



日期:一九九八年十二月六日
來源:東方日報
標題:郭耀明離奇翻車叫好邪




    郭 耀 明 昨 日 凌 晨 發 生 離 奇 車 禍 , 而 最 令 人 毛 骨 悚 然 的 地 方 是 車 禍 地 點 正 是 九 五 年 十 二 月 二 十 四 日 炮 彈 飛 車 飛 墮 橋 底 , 令 四 名 青 年 慘 死 的 同 一 地 點 。 昨 日 郭 耀 明 談 及 自 己 撞 車 過 程 時 , 不 停 說 「 好 邪 」 , 而 且 更 愈 講 愈 恐 怖 。

意外似拍戲
    昨 日 凌 晨 , 郭 耀 明 收 工 駕 車 由 香 港 經 東 隧 沿 觀 塘 繞 道 向 大 老 山 隧 道 方 向 行 駛 , 但 到 了 麗 晶 花 園 附 近 天 橋 便 出 事 , 郭 耀 明 說 : 「 擒 晚 天 朗 氣 清 , 車 速 又 唔 快 , 我 到 去 度 , 想 由 慢 線 轉 入 快 線 , 突 然 間 覺 得 架 車 係 咁 『 跣 』 住 去 , 跟 住 就 凌 空 打 個 『 觔 斗 』 , 再 跌 番 落 地 , 十 足 十 拍 戲 咁 , 當 時 架 車 倒 轉 時 候 , 心 面 淨 係 諗 住 大 鑊 啦 ! 」

    郭 耀 明 翻 車 後 , 只 是 擦 傷 了 手 , 不 過 由 於 車 門 撞 毀 , 所 以 要 由 其 他 的 駕 車 者 救 出 。 「 今 次 淨 係 自 己 撞 毀 架 車 , 受 輕 傷 , 算 係 不 幸 中 之 大 幸 , 而 且 冇 傷 到 其 他 人 , 我 心 都 安 樂 。 」

考慮去還神
    對 於 自 己 無 端 端 撞 車 , 郭 耀 明 以 「 好 邪 」 來 形 容 , 除 了 過 程 離 奇 外 , 撞 車 後 他 曾 多 次 在 車 內 找 自 己 的 手 提 電 話 , 但 完 全 不 見 , 而 昨 日 下 午 , 郭 耀 明 再 到 車 輛 扣 留 中 心 , 竟 然 被 他 在 撞 毀 的 車 內 尋 回 自 己 的 電 話 , 所 以 覺 得 好 「 離 奇 」 。

    當 記 者 告 訴 他 撞 車 的 地 方 與 三 年 前 「 炮 彈 飛 車 」 慘 劇 差 不 多 位 置 時 , 郭 耀 明 嚇 得 猛 叫 恐 怖 , 他 表 示 : 「 原 本 冇 諗 過 去 還 神 , 不 過 依 家 要 考 慮 , 老 實 講 以 後 車 行 過 呢 條 路 都 會 有 陰 影 ! 」